Ренот може да се користи во текот на целата година како додаток на јадењата или како чај, а е корисен за забрзување на метаболизмот, за чистење на организмот и за подобрување на циркулацијата. Свежиот корен на рен е богат со витамин Ц, а содржи и калциум, калиум, магнезиум и етерични масла кои му даваат лутина. Особено е добар ако се додаде на масна храна, затоа што го поттикнува варењето, така што го стимулира лачењето на желудочните и цревните сокови.
Ренот се препорачува и за спречување на настинки, бидејќи консумацијата поттикнува опуштање на слузот, па го смирува кашлањето и ги олеснува симптомите на воспалението на синусите. Може да се користи рендан, сварен во млеко или помешан со мед.
