Ако ненадејно ве заболи заб, се разбира, дека е неопходно веднаш да појдете на стоматолог, бидејќи тоа никогаш не е добар знак. Но, што да направите доколку ви се случи тоа во текот на ноќта или додека не стигнете до лекарска помош?
Постојат едноставни начини и средства кои ќе ја смират болката.
Најчесто при забоболка, посегнуваме по аналгетици, но делотворен се покажал и мразот кој делува така што 15 минути ќе го држите на лицето, на страната каде е лоцирана болката. Друг начин за намалување на болката е да ја исплакнете устата со раствор од една лажичка сол растворена во чаша топла вода, а сличен резултат се добива и ако се направи раствор од сода бикарбона и вода.
Како ефикасно решение се предлага и употребата на концентриран чај од жалфија, нане или камилица, во зависност од тоа што имате дома. Две лажички од билките ставете ги во една чаша зовриена вода, причекајте чајот да се излади и со него исплакнете ја устата неколку пати.
