Печење, постојана потреба за мокрење, болки, чувство на тежина во долниот дел на стомакот се само некои од најчестите симптоми на воспаление на мочниот меур. Оваа непријатна инфекција ја предизвикуваат бактерии и вируси и габи, а симптомите може да бидат толку интензивни што го загрозуваат вообичаениот ритам на живот.
Традиционалната медицина воспалението на мочниот меур го третира со антибиотици, но иако се назаменливи во лекувањето на уролошките воспаленија, може да помогне и алтернативната медицина која нуди голем избор на билни лекови.
Непријатните симптоми на воспалението на мочниот меур, како што е постојана болка и печење, може да се ублажат со помош на овие билки:
Маточината ги ублажува грчевите
Пијте две до три шолји чај дневно или консумирајте 40 капки природен раствор од оваа билка, по главниот оброк и навечер пред спиење. По потреба може да се пие и ако се почувствуваат грчеви.
Екстракт од црна рибизла
Ги намалуваат воспалителните процеси кои често се јавуваат со воспалението на мочниот меур. Листовите на рибизлата имаат благо диуретско и лаксативно својство, но делуваат добро и против воспаление и болка. Се препорачува земање 50 капки во малку вода, два пати на ден, наутро после будење и рано попладне.
Брусница
Освен што делува противвоспалително на уринарните патишта, делува и антисептички. Брусницата делува благо и не го надразнува желудникот, па е идеален лек во случај на долготрајно лекување, особено кај воспаление со рецидив. Освен што го намалува повторното појавување на воспалението, брусницата ја регулира и проодноста на цревата и така помага кај запек и други чести пречки при воспалние на мочниот меур.
