Респираторниот синцицијален вирус може да биде фатален за доенчињата и многу малите деца, а е многу заразен и се шири по капков пат. Се заканува и инвазивен заради кој во Велика Британија за седум дена починаа шест деца.
Според последниот извештај на Институтот за јавно здравје на РСМ, (47 недела, до 27.11.2022) евидентирани се 8 случаи позитивни на респираторен синцицијален вирус, од кои 8 се позитивни. Во информацијата не е наведено за која возраст на пациенти станува збор.
Инфекцијата со респираторниот синцицијален вирус е болест на малите деца кои одат во јасли и градинки. Особено брзо се шири во затворен простор и лесно се пренесува.
“Децата сами себе многу тешко можат да си ги измијат рацете, фаќаат играчки, користат заеднички предмети, децата заедно си играат и се близу едни до други, и тоа е еден од начините на пренесување. Човекот е резервоар на вируси кои се пренесуваат по капков пат. Самото зборување, а камо ли кивање и кашлање, го фаворизираат, односно му угодуваат на преносот на вирусот“, објаснува епидемиологот Дијана Мајер.
Респираторниот синцицијален вирус (РСВ) често предизвикува инфекции на системот за дишење, кои најчесто се манифестираат со симптоми на инфекција на горните делови на респираторниот систем, како настинка. Овој вирус, сепак, може да предизвика и инфекции на долниот респираторен тракт како што се бронхиолитис и воспаление на белите дробови. Кај доенчињата, РСВ е најчеста причина за бронхиолитис, воспаление на малите дишни патишта во белите дробови. Речиси сите деца на возраст до навршени две години, добиваат инфекција предизвикана од РСВ. Кај доенчињата и малите деца инфицирани со РСВ, симптомите на болеста се појавуваат 4-6 дена по инфекцијата, а повеќето деца закрепнуваат во рок од 7-14 дена.
“На почетокот на болеста обично се појавуваат симптоми на инфекција на горниот респираторен тракт кои наликуваат на настинка – послаба проодност на носот и засилена секреција. Како последица на оштетувањето на слузницата на малите бронхии и бронхиоли и акумулација на секрет, доаѓа до отежнат проток на воздух и појава на карактеристични симптоми“, објанува епидемиологот.
Првиот знак е обично сува и надразнувачка кашлица, која понекогаш може да биде многу интензивна и да го попречува сонот и хранењето. Може да биде проследено со и забрзано дишење, пискање (свирење при издишување) или отежнато вдишување, температура, немир, послаб внес на храна и течности и бледо сина боја на усните. Во потешки случаи, РСВ може да предизвика пневмонија покрај бронхиолитис. Како компликација, може да се развие акутен отитис медиа, предизвикан од РСВ или истовремено присутна бактериска инфекција. Кај недоносените и помладите бебиња, апнеја (запирање на дишењето) може да биде првиот знак на болеста.
