Потребно е: 300 г урми, 200 г ореви, 60 г какао во прав, 1 лажица екстракт од ванила, вода, малку сол. За глазура: 40 г какао во прав, пола лажица екстракт од ванила, 50 г јаворов сируп, 2 лажици растително масло или стопено кокосово масло.
Подготовка: Исчистете ги урмите од семките, ставете ги во блендер, па додадете ги оревите, какаото во прав, екстрактот од ванила и малку сол. Полека додадете вода, онолку колку што е потребно за смесата да стане компактна (мазна).
Развлечете ја добиената смеса во плех, па оставете во фрижидер малку да се олади. Прелијте со глазурата од какао во прав измешано со половина лажица екстракт од ванила, јаворов сируп и масло. Исечете на коцки, па послужете.
