Хунзите се племе во кое луѓето живеат и до 120 години, а при тоа до самиот крај остануваат витални и здрави. И не само дека се здрави, тие едноставно не знаат за болести како што се дијабетесот, ракот, заболувања на срцето и прерано стареење.
Камали е традиционален леб на племето Хунзи, а рецептот за ова мошне здраво печиво е стар 2000 години. Овој леб е исклучително здрав, а може да помогне при процесот на слабеење, затоа што е хранлив, па само 1 или 2 порции од овој камали леб ќе го намалат апетитот и ќе направат да не почувствувате глад во период од 4 до 6 часа после оброкот.
Камали лебот не содржи шеќери, ни слатки додатоци, а една од најважните негови состојки е „глечерското млеко“, односно минералната вода со боја на млеко која се топи од глечерите и е богата со минерали и хранливи материи од карпите.
Рецепт за камали леб
Потребно:
- 1 шолја брашно од интегрално зрно (мелено на камен) или мешавина
- 1/3 пченично брашно
- 2/3 брашно од хељда
- морска сол (на врвот од лажичка) или солен зачин од зелечук
- ½ шолја глечерско млеко (минерална вода)
Начин на приготвување: Измешајте ги брашното и солта, па полека додавајте вода и мешајте додека не добиете тесто. Површината на која го правите лебот посипете ја со брашно, а потоа месете го тестото додека не стане меко и еластично. Завиткајте го заменесениот леб во влажна крпа и оставете да отстои 30 минути. Поделете го тестото на топчиња со големина од околу 3 см, а потоа секое топче истегнете го во тортиља со големина од околу 20 см во дијаметар. Тортиљите печете ги на плотна, прво од едната, па од другата страна, отприлика околу 10 минути.
