Има ли некој кој не сака топло чоколадо? Овој напиток е најдобро средство за поправање на расположението, прекрасен зимски десерт, кој одлично загрева. Ако, пак, вашите деца бараат нешто слатко, направете им топло чоколадо и бидете сигурни дека ќе ви побараат- уште.
Потребно е: 40 г темно чоколадо, 1 лажичка какао во прав, 2 дл млеко, 30 г шеќер, малку сол и цимет (по желба).
Приготвување: Измешајте ги чоколадото, какаото, циметот и дел од млекото во тенџере и ставете го на тивок оган се додека убаво не се соедини. Мешајте постојано. Додадете го преостанатото млеко и сол, па продолжете со мешање. На крајот ставете шеќер, а кога чоколадото ќе стане погусто сипете го во шолја. По желба додадете шлаг врз чоколадото.
