Лененото семе е богато со омега – 3 незаситени масни киселини кои штитат од проблеми со срцето и циркулацијата, а, исто така, имаат и противвоспалителни својства. Но за телото да може да го искористи лененото семе треба да биде свежо мелено (на пример, во мелница за кафе) затоа што веќе десет минути после мелењето хранливата вредност опаѓа.
Против воспаленија и чешање на кожата – сварете две лажици ленено семе во 2 дл вода. Варете некаде околу 5 минути, потоа поклопете и оставете да отстои половина час, па процедете. Со течноста испирајте ги сите инфицирани или воспалени места на кожата.
Облоги за чирови – платнена вреќичка наполнете со 100 г ленено семе (некаде до половина), кратко проварете во ½ л вода и процедете. Врз чирот ставете што е можно потопла вреќичка и држете додека не се излади. Постапката може да се повтори со повторно загревање на вреќичката.
Мармалад од лен против запек – смелете или грубо здробете 2-3 лажици ленено семе и измешајте го со 2 лажици мармалад. Против запек ова земајте го неколку дена, по три пати на ден, наутро на празен желудник, после ручек и навечер.
Облоги за болни дојки – лажица ленено семе измелете и измешајте со 2 до 3 лажици маслиново масло и толкаво количество врела вода колку за да добиете мазна смеса. Уште топлата каша во дебел слој нанесета ја на болното место и оставете да делува 20 минути. Повторувајте ја постапката 2 до 3 пати на ден.
