Група научници откриле дека ракот може да биде победен и пред воопшто да почне, и тоа со помош на процесот во телото кој предизвикува смрт на старите клетки. Како што стареат клетките, краевите на нивната ДНК стануваат пократки затоа што секој пат кога се удвојуваат еден дел се губи. Краевите на ДНК синџирот се заштитени со врвови кои се нарекуваат теломери, наликуваат на пластичните делови кои го штитат врвот од врвците за обувки.
Еднаш кога теломерите ќе се истрошат клетката би требало да умре за да ги одбегне грешките во дуплирањето кои водат до мутации кои предизвикуваат рак.
Истражувањето на Салк институтот укажува на тоа дека третманите кои го блокираат овој процес – познат како автофагија – кај веќе постоечки рак всушност би можеле да ги промовираат овие мутации.
Авторот на студијата Јан Карлседер изјавил дека овие резултати се тотално изненадување.
„Постојат многу контролни точки кои спречуваат клетките да се делат без контрола и да станат канцерогени, но не очекувавме дека автофагијата е една од нив“, објаснува Карлседер.
Неговиот тим открил дека клетките почнуваат да се делат бесконечно кога автофагијата е блокирана. Кога ги испитале тие удвоени клетки откриле дека нивните хромозоми се потполно изобличени, а покажувале и штета која е присутна кај канцерогените клетки.
„Не знаевме дали е возможно клетките да преживеат криза, не знаевме дека автофагијата е вклучена во процесот на изумирање на клетките во кризни ситуации, а дефинитивно не знаевме дека автофагијата го спречува таложењето на генетските штети“, тврдат научниците.
