Идентификувани се нови поттипови агресивни белодробни карциноиди, редок тип на белодробни тумори, чиј причинител во овој момент не се поврзува со најчестиот фактор на ризик за рак – пушењето.
Со оградување дека се неопходни понатамошни истражувања, научниците од Меѓународната агенција за истражување рак, објавиле резултат од својата работа во соопштението во кое стои дека новите агресивни поттипови моментално не се поврзуваат со пушењето.
„Пациентите со суперкарциноиди имаат послаби шанси да преживеат (33 отсто до 10 години) во споредба со пациентите заболени од други белодробни карциноми каде стапката изнесува дури 76 отсто преживеани“, се наведува во соопштението на агенцијата која функционира во рамки на Светската здравствена организација.
Нивното истражување е понатамошен исчекор, така да се рече, во идентификацијата на одделни тумори и пронаоѓање на нивните молекуларни карактеристики.
Инаку, карциноидите на белите дробови прават околу 5 отсто меѓу туморите на белите дробови и за нив нема паметни терапии, туку се лекуваат хируршки ако се откријат на време.
