Редовната консумација на риба е неопходна за активен живот на повозрасните лица, предупредуваат научниците од Националниот институт за здравје и исхрана во Јапонија. Постарите лица кои јадат риба имаат за 39 отсто помал ризик од физички и психички болести во следните седум години, а за се се заслужни протеините, потврдила студијата спроведена над 1 000 испитаницим пишува Дејли меил.
Рибите ги изградуваат мускулите и го намалуваат ризикот од повреди, но со годините телото потешко ги апсорбира протеините, па затоа му се потребни поголеми количества отколку во младоста. Освен тоа рибата изобилува и со омега-3 масни киселини кои ја ублажуваат болката од артритис и се одлична превенција од деменција.
Поголемиот внес на висококвалитетни протеини со кои обилува рибата е неопходен за нормално функционирање на постарите луѓе. Психичкото и физичкото пропаѓање кое доаѓа со годините е голем товар за економскиот систем, болниците и старечките домови, но и луѓето, па задачата на секоја земја е да обезбеди поздрав и поквалитетен живот на повозрасните лица, истакнуваат истражувачите.
