Рибиното масло се одликува со извонредна хранливост, според научниците кои ја изработија студијата објавена во списанието Marine Drugs. Рибиното масло може да дејствува благотворно при проблеми со стареење на кожата, за изгореници предизвикани од прекумерно изложување на сонце, карцином на кожата, кожни алергии, рани и хиперпигментација.
Корисните својства на рибиното масло најчесто се поврзуваат со Омега 3 полинезаситените масни киселини (ПУФА). Имено, Омега 3 ги намалуваат воспаленијата на кожата, а исто така дејствуваат и како регулатори на синтезата на одредени видови сигнални молекули важни во процесот на зацелување на раните.
Бидејќи рибиното масло е богато со витамините А и Д, со ретинол, селен и други биоактивни соединенија, неговите корисни својства се сметаат како резултат на синергијата на хемиски видови природно присутни во рибиното масло, а не на изолираното дејство на ПУФА и нивните метаболити.
Зошто да користите рибино масло
- Рибиното масло штити од висок лош холестерол и го зголемува добриот холестерол. На тој начин ги штити срцето и крвните садови и го намалува ризикот од срцев удар. Докажано е дека со долгогодишно користење на рибино масло се намалува ризикот од срцев удар за 50 отсто.
- Помага и за подобрување на циркулацијата и крвната слика
- Рибиното масло помага во лекувањето на депресијата, стресот, анксиозноста
- Придонесува за цврстината на коските, а при поголем напор помага во подмачкување на зглобовите
Храна богата со Омега 3
- Сините риби како туна, скуша, сардини, инчун, лосос се богат извор на Омега 3 масните киселини
- Добри извори на Омега 3 се и јаткастите плодиви, лененото семе, лененото масло и маслиновото масло. Со термичка обработка на маслото, неговата вредност се намалува, па затоа е најдобро да се консумира како дел од салати, како зачин или како прелив на јадењата.
Важно е рибиното масло да се вклучи во редовната исхрана и се препорачува, три пати во неделата на менито да има риба со маслиново масло, за вечера младо сирење, зачинето со ленено семе или лажица ленено масло.
