Честото консумирање на алкохол во тинејџерскиот период за три пати ги зголемува шансите за развој на агресивен карцином на простата децении подоцна.
Оние кои пиеле просечно седум пијалаци неделно во периодот од 15 до 19 години, имаат тројно поголеми шанси да развијат рак на простата во 60-тите, 70-тите или 80-тите години од животот, тврдат научниците.
Тоа се случува поради тоа што алкохолот штетно влијае на организмот кој во тој период се уште се развива. За разлика од тинејџерскиот период, алкохолот што мажите го пијат во подоцнежниот животен период нема никакво влијание на развојот на оваа болест, објаснуваат научниците.
Консумирањето алкохол веќе подолго време се поврзува со други форми на карцином, особено на дојка, црн дроб и на цревата.
