Ризикот од миокардитис и перикардитис по примање на информациската РНА (mRNA) вакцина против КОВИД-19 е најголем кај младите мажи по втората доза вакцина, укажуваат резултатите од мова студија објавена во стручното списание JAMA Cardiology.
Втората доза вакцина била поврзана со поголем ризик од миокардитис во период од 28 дена.
Треба да се истакне дека резултатите од оваа голема студија покажале дека и првата и втората доза mRNA вакцина се поврзани со зголемен ризик од миокардитис и перикардитис, но за лицата кои примиле две дози од истата вакцина, ризикот од миокардитис бил најголем меѓу младите мажи (на возраст од 16 до 24 години), по втората доза.
Миокардитисот и перикардитисот се воспалителни болести на срцето. Симптомите може да варираат, но често вклучуваат отежнато дишење, силно срцебиење кое може да биде неправилно (палпитации) и болка во градите.
