Институтот за истражување рак во Австралија издал предупредување за сите луѓе да размислат за количеството на алкохол кое го внесуваат во организмот.
После студијата во која учествувале преку 30 000 луѓе истражувачите дошле до заклучок дека ракот би можел да биде спречен кога сите би се придржувале до препорачаната доза за консумирање алкохол, а тоа е не повеќе од два пијалака дневно.
Доколку алкохолот би се свел на дневниот минимум веднаш би се намалил ризикот од рак на дојка, црева, црн дроб и бешика, се наведува во соопштението.
– Знаеме дека алкохолот е еден од причинителите на рак, а оваа студија ни покажа колку случаи би можеле да бидат предупредени само кога луѓето би се откажале од алкохолот или би се придржувале до некој препорачан, нормален внес, предупредуваат авторите на студијата и додаваат: Она што многу луѓе не го сфаќаат е дека кога станува збор за ризик од рак не постои сигурно количество алкохол. Колку повеќе алкохол сте консумирале во текот на животот, во поголем ризик сте од добивање рак.
Се смета дека 5 единици алкохолен пијалак на неделно ниво е сигурно количество, но се смета и дека две единици и помалку се сигурни за мажите, а една и помалку за жените. Ова е се условно кажано затоа што не поднесуваат сите алкохол на ист начин и не е сечија генетска предиспозиција иста.
