Бебињата обично првите чекори ги прават меѓу 9-от и 12-от месец од животот, но сосема е нормално тоа да се случи и нешто подоцна.
Во првите две години детето постепено ја развива координацијата, како и мускулите и телото. Учи да седи, да ползи, да се „тркала“. Многу деца почнуваат да одат уште на 9 месеци, но после тоа е мошне важно да постигнат сигурност и баланс. Некои деца не проодуваат дури и до 16-от или 17-от месец од животот, што, исто така, е во границите на нормала. Доколку на вашето бебе му требало малку подолг период да научи да се превртува или да ползи, веројатно, ќе му требаат и неколку недели повеќе за да научи да оди.
Најважно од се е да го следните развојот на вештините на бебето, односно се додека вашето малечко константно учи нови работи нема потреба да се грижите во кој период ќе совлада се.
Но ако детето наполнило 18 месеци, а се уште не проодело, тогаш појдете кај својот лекар за тој да ги процени неговите говорни и психомоторни способности. Доколку има и повеќе од 18 месеци тогаш би било добро да појдете на педијатар, кој може да ве упати на понатамошни прегледи или да ви препорача специјална програма.
