Сибирски научници со помош на Рускиот фонд за фундаментални истражувања започнале да развиваат достапен лек за имунотерапија на онколошки болести.
Механизмот на делување на имунотерапијата се базира на откритието на овогодинешните добитници на Нобелова награда за медицина, изјавил шефот на лабораторијата на Институтот за билогија и медицина на сибирскиот огранок на Руската академија за науки, Димитри Стеченко.
Лауреатите на Нобеловата награда за медицина за 2018 година, Џејмс Пи Алисон од САД и на Тасуку Хонџо од Јапонија, предложија пристап во лекување на ракот кој принципиелно се разликува од хемотерапијата и од радиотерапијата. Нивната метода се заснова на тоа да клетките на ракот ја спречуваат активацијата на лимфоцитите ориентирани на борба со туморот и да станат отпорни на имуниот систем на индивидуата. Тие развија метода на борба со таа појава, со помош на инхибиција на контролните точки на имунитетот, преку кои имунитетот треба да помине за да се вклучи во механизмот за уништување на туморот.
“Темата на нашиот проект е директно поврзана со работата на добитниците на Нобеловата награда за медицина. Ние истражуваме истовремени ефекти на неколку молекуларни мети кои се наоѓаат во клетките на имуниот систем и кои се одговорни за препознавање на клетките на ракот. Планираме синтетизирање на вештачки молекули, чија задача ќе биде да ги блокираат клучните контролни точки и со тоа да ја повратат способноста на Т лимфоцитит да ги напаѓаат клетките на туморот“, објаснува Стеченко.
Тој додава дека постојат низа препарати за имунотерапија на карцином кои се базираат на моноклони антитела, односно протеински молекули кои се способни да ги блокираат контролните точки одговорни за имуносупресија. Но, лекувањето е многу скапо и една од задачите на сибирските научници е да го направат препаратот подостапен.
“Целта на нашиот проект е разрабптка на пристап на производство на лекови против рак кои нема да бидат помалку ефикасни од моноклоналните антитела, но ќе бидат попристапни до широк спектар на пациенти заболени од рак“, заклучува Стеченко.
