Многумина наместо да појдат на лекар, симпtомите ги проверуваат на интернет. Речиси нема човек кој не го сторил тоа, а секојдневно на Гугл милион луѓе ги пребаруваат поимите депресија, воспаление на бели дробови и дијабетес, вели статистиката. Можеби ова е поедноставно, но пребарувањето на интернет често доведува до тоа обичната главоболка лесно да се замени со тумор на мозокот, а болката во градите со рак на дојка. Лекарите сметаат дека овој тренд ги доведува пациентите во “психолошка замка“ создавајќи непотребна анксиозност и истовремено ги спречува да појдат на лекар.
„Анксиозноста не е ништо ниво, но интернетот и пребарувањето дијагнози, без дилема, го направија проблемот уште поголем во последните години“, смета доктор Даниел Аткинсон.
Можеби е изненадување, но воспалението на белите дробови е нејпребаруван поим на Гугл кога е во прашање здравјето, па месечно совет за оваа состојба бараат околу 2,24 милиони луѓе, пишува во резултатите од истражувањето спроведено на страницата Treated.com. На второ место е депресијата, па следуваат дијабетесот и анксиозноста.
Д-р Аткинсон сепак признава дека е добро што за некои работи имаме достапни информации, но вели најчесто се случува пациентите да останат во паника затоа што создале негативна слика заради површните информации. Во некои случаи доаѓа до одередна психолошка замка кога личноста е збунета заради различни текстови. Минатата година на здравствениот самит во Хановер било укажано на се пошироката појава на сајберхондријата, неоснован страв од сериозна болест после пребарување на симптомите на интернет. Ваквото пребарување само го зголемува стравот на луѓето подложни на хипохондрија, покажале повеќе спроведени студии на оваа тема.
