Со цел на зачувување и контрола на крвниот притисок, секој може да го направи следново:
ДА ПРЕСТАНЕ ДА ПУШИ
Само една испушена цигара предизвикува стискање на крвните садови и пораст на крвниот притисок, а со постоење на присутноста на останати ризик фактори, се зголемува и опасноста од развој на срцев или мозочен удар.
ДА ЈА РЕГУЛИРА ТЕЛЕСНА ТЕЖИНА
Добар показател на дебелината е т.н. индекс на телесна маса. Се препорачува постепено слабеење, бидејќи поголемо намалување на телесната тежина од 4-5 кг, ја намалува вредноста на крвниот притисок, а губењето на 10кг може да го намали притисокот за 5-10 mmHg.
ДА БИДЕ ФИЗИЧКИ АКТИВЕН
Секоја индивидуа треба да го прилагоди интензитетот на телесната активност според здравствените и физички способности на организмот (да се советува со својот лекар). Тоа може да биде брзо одење, лесно трчање, возење велоспиед, пливање и слично. Умерена активност 3-4 пати неделно го намалува крвниот притисок за 5-10 mmHg, ја одржува саканата телесна тежина и е добар начин за ослободување од стресот,а се тоа се ризик фактори за настанување на кардиоваскуларни болести.
ДА ГИ ПРОМЕНИ НА ПРЕХРАНБЕНИТЕ НАВИКИ
Да се јаде овошје и зеленчук (до 5 оброци дневно), житарки, немасна храна, риба до 3 пати неделно, да се користи маслиново, сончогледово или масло од соја, предност да се дава на белото месо, да се избегнува храна богата со заситени масни киселини и јаглехидрати. Правилната исхрана го намалува притисокот за 8-14 mmHg.
ДА ИЗБЕГНУВА СОЛ
Важно е да се истакне дека она што секојдневно се смета за солена храна, за лице со зголемен крвен притисок е пресолена храна. ИЗбегнувајте преработени намирници (конзервирани, сувомеснати) и други слични производи, оти 80% од вкупниот внес на сол потекнува токму од овие производи. Храната да се подготвува со помалку сол (до 2,4 гр сол дневно) или наместо сол да се користат зачински билки. Со намалување на внесот на сол, за една година систолниот притисок може да се намали за 3-8 mmHg, а дијастолниот за 2-3 mmHg.
ДА ГО НАМАЛИ ВНЕСОТ НА АЛКОХОЛ
Зголемување на крвниот притисок е видливо над 2 пијалака дневно, при што како пијалак се смета 3,6 дл – 5% пиво или 1,5 л – 12% вино или 0,3 дл – 40% жесток алкохол. Затоа се препорачува помалку од 2 пијалака дневно за мажи, односно помалку од едне пијалак дневно за жени.
СТРЕС
Најдете различни техники на опуштање во насока на намалување на стресот.
КОНТРОЛА НА ПРИТИСОКОТ
Барем еднаш годишно мерете го притисокот, а лицата од ризик и почесто.
