Не слушате баш сè што се зборува околу вас? Можеби имате проблеми со слухот, а според студиите, околу 23 проценти од Американците постари од 12 години имаат проблеми со слухот. Иако станува збор за благо губење на слухот, кај лицата кои имаат над 80 години и постари, често тоа е посериозна состојба.
Но,нема оваа состојба само да влијае на квалитетот на животот, туку се работи за зголемен ризик од развој на деменција. Нови истражувања откриваат зошто и што можете да направите за да го спречите тоа.
ШТО ОТКРИВААТ ПОДАТОЦИТЕ ОД НОВАТА СТУДИЈА?
Резултатите се објавени во списанието JAMA, а истражувањето се фокусирало на испитаници на возраст од 70 или повеќе години.
33 проценти од нив имале добар слух, 37 проценти имале благо губење на слухот, а 30 имале умерено или тешко губење на слухот. Деменцијата ретко се јавува кај оние кои имале добар слух, но најчесто во последната група. Ова може да се нарече зголемен ризик, особено за оние кои веќе имаат проблеми со слухот. Претходните студии покажале дека губењето на слухот е одговорно за околу 8 проценти од случаите на деменција ширум светот. Зошто точно постои таа врска, не е разјаснето. Студијата исто така наведува дека слушните помагала би можеле да го намалат ризикот од развој на деменција, особено кај луѓе кои имаат умерено до тешко губење на слухот. Ако забележите промени во вашиот слух, посетете го вашиот лекар за преглед.
Ова би можело да биде дополнителен доказ дека стимулацијата на мозокот е исклучително важна за спречување на деменција, а истото важи и за поминување време со пријателите, што луѓето со слаб слух ќе го избегнуваат. Овие социјални активности се еден од најдобрите начини за стимулирање на мозокот. Со сите информации, нема да ве изненади податокот дека намалената социјална активност е поврзана со когнитивното пропаѓање. Иако новата студија покажува врска помеѓу губењето на слухот и развојот на деменција, се чини дека е важна комбинација на фактори, од кои еден секако е богат социјален живот.
ШТО ДА НАПРАВИТЕ АКО ВЕ МАЧИ ГУБЕЊЕ НА СЛУХОТ?
Превенирајте проблемите со слухот да го зголемат ризикот од развој на деменција.
- Редовно чистете ги ушите и ако не сте сигурни како правилно да го направите тоа, прашајте го вашиот лекар.
- Ако не слушате добро, слушно помагало може да ви помогне. Ако го имате, носете го. Ако се скрши, поправете го веднаш.
- Не бидете пасивни, бидете во контакт со пријателите.
- Проверувајте ја кај лекар состојбата со слухот.
РАНАТА ДИЈАГНОЗА Е НАЈВАЖНИОТ ЧЕКОР
Луѓето кои страдаат од деменција најчесто имаат потешкотии со помнењето и лошо расудување на животните ситуации. Раното дијагностицирање на деменцијата може да доведе и до подобро лекување на болеста, предупредуваат лекарите, па затоа е исклучително важно навреме да се забележат и препознаат симптомите.
Експертите предупредуваат на првите симптоми кои можат да откријат дека е време за посета на лекар.
- Не можете да учествувате во вообичаен разговор ниту се снаоѓате во времето и просторот.
- Се губите на познати места и не можете да ги довршите рутинските задачи.
- Забележувате промени во расположението, анксиозни сте, депресивни или апатични.
