Повеќето намирници на листата содржат здрави масти, антиоксиданти, го поттикнуваат лачењето на хормоните и апсорпцијата на нутриентите. Се чувствувате подобро и не се грижете за здравјето на срцето со овие намирници:
Авокадо: Во 100 грама авокадо се наоѓаат 14% од препорачаната дневна доза на калиум. Внесот на препорачаната дневна количина калиум е важен за намалување на крвниот притисок, а со самото тоа се намалува и ризикот од срцев удар. Авокадото може да го намали нивото на триглицериди и холестерол, што значи дека може да го намали ризикот од разни срцеви заболувања. Дури осум истражувања докажале како кај овие заболувања, авокадото делува превентивно, така што драстично го намалува нивото на лошиот холестерол, додека го золемува нивото на добриот холестерол (ХДЛ) до 11% , а го намалува и нивото на триглицериди за дури 20%.
Брокула: Преполна е со витамин К, кој спречува калцификација на артериите, поради антиоксидантите што ги содржи превенира и оксидација на ЛДЛ холестеролот, кој може да доведе до тешки срцеви заболувања. Влакната во брокулата го регулираат крвниот притисок.
Чиа семе: Повеќето масни киселини кои се наоѓаат во чиа семето се здрави, незаситени масни киселини, со преку 50% удел на омега 3 масни киселини. Редовниот внес на омега 3 масни киселини е поврзан со намалувањето на ризикот од развој на кардиоваскуларни болести. Чиата е богата со минерали кои во телото функционираат како електролити, па учествуваат во правилната работа на мускулниот систем и срцевите функции. Чиа семето е посебно богато со магнезиум (335мг/100г чиа семе) и умерена количина на калиум.
Цимет: Со фактот дека поттикнува ефикасност на инсулинот, циметот има антиоксидативни, антибактериски, антивоспалителни својства, како и својства против рак. Покрај тоа, може да го намали и крвниот притисок, холестеролот, па и количината на телесни масти.
Кокосово масло: Истражувањата покажале дека кокосовото масло го намалува холестеролот и го намалува ризикот од венски болести, бидејќи тие заситени масти го зголемуваат нивото на добриот холестерол. Но некои стручњаци не препорачуваат секојдневно консумирање, бидејќи поттикнува создавање на холестерол во организмот.
