Животниот век на човекот значајно е подолг во однос на претходните години. Со сите благодати на современиот живот, луѓето повеќе се грижат за себе и своето здравје. Планот е животот да се продолжи уште повеќе, па затоа Универзитетот Харвард спровел истражување за клучните навики кои би можеле да придонесат уште нови децении на моменталниот животен век. Ова се резулатите:
Не се однесувајте во склад со годините
Студија направена на 660 волонтери на над 50 години покажала дека оние кои позитивно гледале на стареењето, живееле во просек седум и пол години подолго. Според истражувањето, стареењето е само 10% генетика, а 90% животен стил. Лицата постари од 80 години имале попозитивен поглед на животот и светот околу себе. Биле подруштвени, и ангажирани и по пензионирањето. Позитивното размислување го намалува стресот, кој се знае дека има разурнувачки ефект врз здравјето.
Не одете рано во пензија
Одложувањето на пензионирањето можеби ви звучи небулозно, но може да ви го продолжи животот. Во студијата, здрави луѓе кои заминале во пензија на 66, наместо на 65 години, имале 11% помал ризик од смрт. Дури и оние кои биле со нарушено здравје кога се пензионирале, имале 9% помал ризик од смрт, за разлика од оние кои се пензионирале само една година порано.
Станете родител
Луѓето со деца живеат барем две години подолго од оние кои не се оствариле како родители. Причина за тоа што луѓето без деца се поранливи, со оглед на тоа дека немаат еднаква поддршка од блиските. Емоционалните фактори имаат иста тежина како и телесните.
Стојте подалеку од болници
Пацинетите кои поминуваат многу време во болница, од било која причина, порано умираат, и тоа не затоа што навистина биле болни. Истражувањето покажало дека третина од пациентите над 70 години, како и половина од оние над 85, биле и во полоша состојба по излегувањето од болница.
Шетајте
Луѓето над 40 години кои редовно шетаат живеат подолго од оние што се неактивни. Светската здравствена организација тврди дека минимум 150 минути пешачење неделно, на телото може да му додаде и до четири години од предвидениот животен век. Фитнесот ги зајакнува мускулите и го подобрува кардиоваскуларното здравје.
Водете љубов
Луѓето кои водат љубов најмалку два пати неделно имаат дури за 50% намален ризик од смрт во споредба со оние кои тоа го прават помалку од еднаш месечно. Маж кој има 350 оргазми годишно, во просек живее подолго за четири години во споредба со оние кои не здоволуваат ниту една четвртина од таа бројка. Жените кои редовно водат љубов имаат подолги теломери, ДНК компонента која го одредува животниот век
Доволно спијте
Неколку студии покажале дека луѓето кои премалку спијат, како и оние кои спијат премногу, си го скратуваат животот. Помалку од шест часа сон го зголемува ризкот од прерана смрт за 12%. Уште повеќе шокира податокот дека оние кои спијат подолго од девет часа во текот на ноќта, тој ризик го зголемуваат за дури 30%.
