Има се повеќе студии кои се бават со проучување на сонот, користа од спиењето и негативните последици од недоволното спиење. Студијата од Универзитетот во Упсала во Шведска открива дека една ноќ неспиење може значително да му наштети на организмот, особено кога се во прашање мажите, пишува Си-ен-ен.
Научниците востановиле дека доколку не спиеме една ноќ, во крвта се зголемува нивото на тау протеинот, кој е поврзан со развојот на Алцхајмерова болест.
Студијата покажала дека за само една бессона ноќ дури и кај младите, здрави лица, особено кај мажите, во крвта се зголемува нивото на тау протеинот, што може да има трајни последици по нашето здравје.
Што е тау?
Тау протеинот или т протеин помага во стабилизирањето на внатрешниот состав на клетките на мозокот. Кај Алцхајмеровата болест нивото на овој протеин е големо, па доаѓа до внатрешно распаѓање на клетките. Кога големо количество од овој протеин ќе се поврзе може да дојде до Алцхајмерова болест и деменција.
Кај здравите личности нивото на тау протеинот и другите токсини во мозокот се чистат за време на спиењето. Со самото тоа со неспиењето, нередовното спиење или реметењето на циклусот на сон го реметиме чистењето на мозокот.
Една студија од 2017 година открила дека кај здравите средовечни личности една непроспиена ноќ се одразува така што се произведува големо количество на протеинот бета амилоид, кој е одговорен за многу процеси кај Алцхајмеровата болест. Ако сонот е пореметен една недела, драстично се зголемува нивото на тау протеин.
Оваа шведска студија востановила дека мажите кои не спиеле имаат 17 отсто тау протеин во крвта, додека оние кои имале добар сон имаат само 2 отсто. Сепак, истражувачите истакнуваат дека оваа студија е мала и дека овие претпоставки треба дополнително да се проверат.
