Самoхраните мајки по дефиниција се разведени жени, вдовици или мајки кои имаат вонбрачни признати или непризнати деца. Нивната положба во земјава е многу тешка, бидејќи се соочуваат со невработеност, работа во смени, мали плати и бројни други проблеми.
Просечната самохрана мајка најчесто поради лошата финансиска состојба е принудена да работи повеќе работи истоврмено, а честопати ја следи и неразбирање и осуда од околината. Еден од најголемите стравови е дека нешто може да и се случи, па затоа се труди што побргу да го осамостои своите наследници за живот за да бидат способни сами да се снаоѓаат во разни животни ситуации. Алименатцијата не е секогаш сигурен извор на приходи, бидејќи родителот кој треба да ја плаќа често ја избегнува обврската.
Сепак, единствен проблем и на самохраните мајки, и татковци е во тоа од многу обврски кои сами го извршуваат, не гледаат колку бргу децата им растат.
Потоа им е жал што немале повеќе време да во целост уживаат во нивното растење. Одредени мајки или татковци често прават грешка и тогаш кога не умеат да го разграничат партнерскиот од родителскиот однос. Затоа многумина од нив, преку децата се обидуваат да му се осветат на поранешниот партнер.
Главно тоа го прават така што го оспоруваат гледањето на децата со другиот родител или измислуваат некакво насилство. Бидете привидни пријатели барем пред децата, велат психолозите, бидејќи децата се тие кои ве врзуваат за цел живот.
