Самопрегледот на градите е задолжителна навика која треба да ја има секоја жена.
Прегледот, според најновите препораки на лекарите, треба да се прави помеѓу шестиот и десеттиот дел од циклусот бидејќи градите во тој период имаат најмалку јазли и стврднувања. Според препораките најдобро е да се направи на седмиот ден од циклусот.
Во текот на самопрегледот темелно треба да се проверат градите, пазувите, подрачјето под и над клучната коска и долниот дел на вратот. Се прави со кружни и дијагонални движења во правец од брадавицата по должина на градата. На тој начин најдобро се осознава ткивото на градата и се преознаваат промените. Најчесто, тоа може да биде мал јазол, стврднување или здебелување кое може да се почувствува под прстите.
Понекогаш доаѓа и до промена на брадавиците, нејзино вовлекување, осетливост или промена на бојата. Може да се забележи и дел од кожата кој е нерамен или вовлечен, а понекогаш и целата града го манува изгледот и големината. Жените со големи гради имаат поголем ризик болеста да ја откријат подоцна, бидејќи кај нив и самопрегледот и клиничкиот преглед потешко се извршува. Посебен ризик се и жените со густи дојки.
Раната фаза на ракот на дојката не предизвикува симптоми како болка, па затоа е важно редовно да се оди на контролни прегледи.
Мамографијата е најдобрата метода за рано откривање, а добро е да се комбинира со ехо. Жените кои во семејството имаат историја на рак на дојка овие прегледи треба да ги прават еднаш годишно. Ризични години за развој на оваа болест се повозрасните години и доцната менопауза. Во најчестите ризик фактори, покрај тоа се и генетиката, односно историјата на болеста во семејството, бременостите и други. Од сите малигни тумори на града 75-80 отсто се дијагностицирани кај жени над 50 години.
