Новиот коронавирус SARS-CoV-2 може да остане во мозокот на луѓето по инфекцијата и да предизвика рецидиви кај пациенти кои мислеле дека се опоравиле, покажало ново истражување. Инаку, мозокот е едно од подрачјата во кое вирусот сака да се скрие, истакнува Мукеш Кумар, водач на истражувањето.
Лабораториското истражување спроведено на глувци, покажало дека коронавирусот се наоѓал во мозокот на ниво кое било 1000 пати повисоко отколку во било кој друг дел од телото. Вирусното оптоварување во белите дробови почнало да опаѓа по три дена, но останало на високо ниво во мозокот, петтиот или шестиот ден по инфекцијата, кога болеста станала потешка.
Еднаш кога мозокот ќе се зарази, тоа може да влијае на сите функции кои мозокот ги контролира, вели Кумар, и додава дека лицата кои се опоравиле од КОВИД-19 кај кои коронавирусот допрел до мозокот, во иднина исто така би можело да станат почувствителни други сериозни медицински состојби, како Паркинсонова болест, мултипла склероза, когнитивно пропаѓање и автоимуни болести.
