Што е потребно за приготвување на Саси водата:
- околу 1,5 л изладена провриена или филтрирана вода;
- 1 лимон исечен на кришки;
- 1 краставица со просечна големина исечена на тркалца;
- 1 корен од ѓумбир исечен на ситни парчиња;
- 5 до 10 листови свежо нане или 1 лажичка сушено нане.
Начин на приготвување на Саси водата: Сите состојки се ставаат во стаклен или пластичен сад и добро се промешуваат. Потоа смесата се остава да отстои околу 10 часа (може и повеќе, но не помалку) во фрижидер. После тоа смесата е идеална за консумирање, затоа што дотогаш секоја состојка ќе пушти од својата арома и ќе даде придонес во комплетниот ефект на пијалакот.
Како се пие оваа вода?
Битно е да се напомене дека вака приготвениот пијалак треба да се испие во текот на еден ден. Еден дел може да се пие со појадокот, друг со ручекот, со вечерата, ужината.
Исто така, се препорачува оваа вода да ја пиете 4 дена едно по друго за на тој начин да се постигне комплетен ефект на детоксикација на целиот организам. Со ова пожелно е да се пие и што е можно повеќе обична вода и, секако, да внимавате што јадете, односно да консумирате повеќе овошје и зеленчук. Предност на оваа вода во однос на другите слични напитоци е дека има пријатен вкус.
Саси вода – искуства и резултати
Авторката на оваа вода, Синтија Сас, тврди дека за првите четири дена колку и се препорачува да ја консумирате можете да загубите и до 3 килограми, а после еден месец резултатите да бидат навистина феноменални и да изгубите и до 10 кг од својата тежина. Оние кои ја користеле имаат само пофални зборови за Саси водата, особено затоа што има мошне пријатен вкус и 0 калории, па без страв може да се консумира повеќе пати дневно. Со пиење на оваа вода корисниците во повеќето случаи ја средиле својата исхрана и ја зголемиле физичката активност за да добијат полн ефект.
Се разбира, треба да се напомене дека немаме сите метаболизам со иста брзина, па некому Саси водата ќе му даде подобри и побрзи резултати, а некому послаби и побавни, сето зависи од личност до личност. Сепак, повеќето добиле мошне добри резултати и тврдат дека оваа вода делува, па затоа би требало да размислите за тоа дали вреди да и дадете шанса и да ја пробате.
Сепак имајте на ум дека оваа вода не е препорачлива за бремените жени и доилките, како ни за личностите кои имаат чувствителен желудник. Пред употреба добро би било да се посоветувате со својот лекар.
