Сауната е најдобриот метод за опуштање на телото и умот што датира од пред неколку векови и е најдобар метод на детоксификација на телото. Освен што ја активираат кожата за лачење на штетните супстанции од телото, сауните смируваат и помагаат да се балансира организмот.
Финската сауна е погодна за сите луѓе освен за малите деца и бебињата, како и за лица со сериозни здравствени проблеми како што се срцевите заболувања или со отворени рани на телото. Температурата во финските сауни е од 70 до 100 Целзиусови степени, додека влажноста се постигнува со истурање на вода преку топлите камења.
Ако почесто посетувате сауна ќе имате бројни придобивки:
Детоксикација – сауната го поттикнува потењето и ја стимулира кожата да ги излачува на штетните супстанции од телото што се акумулираат од храната, козметиката и загадувањето на животната средина.
Анти-стрес ефект – сауните, исто така, ги смируваат луѓето кои секојдневно се изложени на стресни ситуации, бидејќи го поттикнуваат телото да се олабави и го стимулираат варењето на храната
Создава хормонска рамнотежа – како резултат на намалувањето на хормонот на стрес,кортизол, финската сауна обезбедува рамнотежа на други хормони и ги стимулира надбубрежните жлезди да лачат алдостерон, е одговорен за регулирање на електролитите.
Помага при болки во мускулите – сауните се препорачуваат за луѓето кои професионално се занимаваат со спорт бидејќи ги релаксираат мускулите и помагаат во побрзо закрепнување од повредите и издишувањето.
Помага при грип и настинки – истражувањата покажуваат дека редовнaта посета на сауна го намалуваат ризикот од настинки и мозочен удар за дури 30 отсто.
Ја подобрува циркулацијата и изгледот на кожата – поради подобрената циркулација и кожата ќе изгледа подобро, бидејќи секоја клетка во телото ќе ги добие потребните хранливи материи и кислород.
