Јајцата се секојдневен и многу битен дел од исхраната на човекот, а посебно актуелни во време на Велигден.
Во пресрет на големиот христијански празник, ве прашуваме дали знаете како правилно да одберете јајца во супермаркетите? Еве на што посебно треба да внимавате…
Боја
Кафеавите јајца изгледаат рустикално и можеби затоа и ви се допаѓаат, но тоа е и отприлика целата нивна предност во однос на другите јајца – бојата! Бојата на јајцето зависи од видот на кокошката која го снела. Не постојат нутритивни разлики. Кафеавите јајца се можеби за нијанса покрупни и чинат малку повеќе, но тоа е затоа што кокошките се поголеми и јадат повеќе.
Варење
Најголемиот ризик на кој се изложуваме јадејќи сурови јајца е труење со салмонела. Пастеризацијата ја убива бактеријата, кој е одговорна за опасното дигестивно заболување, па во некои продавници може да се најдат и јајца со ознака „пастеризирано“. Тие обично чинат повеќе од обичните, непастеризирани јајца.
Органски јајца се оние кои ги снеле кокошки кои се хранат со органска храна и кои престојуваат надвор
На пастеризираните јајца им треба подолго време да се приготват особено ако правите шлаг од белки, но тие се многу побезбедни ако ги консумираат деца, стари лица, бремени жени или луѓе, чиј имунолошки систем е нарушен, пишува „Straitstimes“.
Одгледувањето ја одредува цената
Како се одгледуваат кокошките е клучната работа којашто ја одредува цената на јајцата. Ако сакате јајца од слободно одгледувани кокошки и органски, бидете подготвени да дадете повеќе пари. Кокошките кои не се одгледуваат во кафези имаат пристап до храна и вода која им е достапна во нивниот простор, но не мора нужно да престојуваат надвор.
