Чувството на депресија поради промената на годишните времиња е карактеристично за летниот и зимскиот период, но ако веќе се чувствувате безволно, не грижете се, не сте единствените. Иако летото сè уште трае и има уште многу сончеви и топли денови пред нас, многу луѓе почнуваат да се чувствуваат депресивно кон крајот на годишните одмори. Деновите се пократки, ноќите стануваат посвежи и долгоочекуваниот годишен одмор е зад нас.
Пост-летната депресија е состојба поради која се чувствуваме нерасположено, тажно и непродуктивно бидејќи сме свесни дека летото е при крај.
Типични симптоми на пост-летна депресија
– лошо расположение и чувство на тага
– чувство на анксиозност
– вознемиреност
– недостаток на апетит
– губење на тежина
– потешкотии со спиењето
Иако промените на расположението поради промената на годишните времиња се нормални, овие состојби понекогаш може да го попречат секојдневното функционирање. Пост-летната депресија обично поминува сама од себе по неколку дена, но постојат неколку трикови кои ќе ви помогнат што побрзо да се вратите на вообичаеното расположение.
Откриваме како наглите промени на времето влијаат на организмот и како да се ублажат тегобите.
Правете активности кои ве исполнуваат
Без оглед на тоа што се чувствувате безволно, не се затворајте во вашите четири ѕида. Преостанатите летни денови, кога времето дозволува, искористете ги за престој на отворено, прошетки низ градот или да одите на еднодневен излет за викенд.
Не бидете строги кон себе
Ова е преоден период кога се враќаме на нашата рутина, меѓутоа не се казнувајте ако не сте се зафатиле со сите секојдневни обврски веднаш по враќањето од одмор. Земете си време, составете распоред на вашите обрски и полека создадете ваша нова рутина.
Наспијте се
Во текот на летото, особено кога сме на море, обично си легнуваме подоцна бидејќи го нема лошиот аларм. Меѓутоа, тогаш доаѓа момент кога сме принудени да се разбудиме рано поради враќањето на работа, но сепак и понатаму легнуваме доцна бидејќи ни е нарушен биоритамот.
Поради недостигот на сон, наутро тешко стануваме од кревет и се чувствуваме уморни во текот на денот. Кога сме ненаспиени во организмот се ослободува кортизолот или хормонот на стресот, што може да придонесе за емоционална чувствителност. Ако не можете да се натерате да си легнете порано, обидете се со техники против стрес и анксиозност.
