Постојат стотина врсти на компири во светот, но во кујната најчесто користиме само два: бел и црвен компир.
Иако овошјето и зеленчукот се сметаат за здрави, околу компирите се крева непотребна прашина. Имено, со оглед на тоа што содржат скроб, луѓето честопати ги одбегнуваат или ја намалуваат нивната консумација.
Компирот незаслужено има лоша репутација и тоа е причината зошто многу луѓе свесно го исфрлија од својата исхрана. Меѓутоа, ако се подготвува без пржење и се сервира без путер, маргарин или павлака, еден компир има само 110 калории и повеќе десетици здрави фитохемикалии и витамини.
Нутритивна вредност на компирот
Компирот се карактеризира со голема содржина на минерали (вклучувајќи и калциум и јод) и витамини (витамин Ц и Б витамини). Од минерали содржи значителни количини на бакар, цинк, фосфор, калиум, калциум, манган…
Компирот, всушност, се вбројува во диетални намирници, кои се пожелни за одржување на нормална телесна тежина, а калориите ги добива со додавање на маснотии и пржење
- Витамините и минералите се концентрирани под лушпата на компирот, па е препорачливо да се лупи во што потенок слој. Најздраво е да се јаде компир варен со лушпа, и тоа во поклопен сад. Исто така, содржи висококвалитетен скроб, протеини и влакна.
Одберете ја вистинската боја
Во светот постојат многу видови компири, во различни бои, форми и текстури. Повеќето од нив имаат слична хранлива вредност, но оние со пурпурна и црвена боја содржат највисоко ниво на антиоксиданти, кои секогаш се споменуваат во контекст на превенција од разни болести. Слободните радикали од загадувањето, тутунот и токсините од животната средина можат да ги оштетат клетките, а антиоксидантите ги поправаат овие оштетувања и на тој начин штитат од болести и го продолжуваат животот.
Правилна подготовка и умерена консумација
За да има позитивен ефект врз здравјето, здравата храна треба соодветно да се подготви. Ако е варен во вода, без масло и други додатоци – консумацијата на компирот придонесува за добро здравје. Компирот, всушност, се вбројува во диетални намирници, кои се пожелни за одржување на нормална телесна тежина – калориите ги добива со додавање на маснотии и пржење. За компирот да остане здрава намирница треба да се консумира во умерени количини.
