Сè поблиску до лек за ХИВ: Успех на првата фаза на имунотерапија

Имунотерапијата може да се даде на ХИВ-позитивни пациенти без реален ризик од смрт и многумина тоа го сметаат за доказ дека оваа насока на истражувањето може да доведе до вистинскиот лек

Научниците кои работат на лек за ХИВ покажаа дека имунотерапијата која ја развиваат е безбедна за употреба кај луѓето. Првата фаза на истражување покажа успех во лекувањето со што стана значајна пресвртница за тимот на Универзитетот Северна Каролина во Чапел Хил, кој благодарение на своето откритие доби 20 милиони долари инвестиција за да ги претвори своите идеи во стварност.

Во изминатите неколку години, имунотерапијата, која го тренира имунолошкиот систем на човекот да напаѓа различни видови на болести, стана се пораширена меѓу научниците и сега се користи за лекување на бројни состојби, од рак до слепило.

За прв пат, во истражувањето објавено во списанието „Cell Reports“, тим на научници и експерти од Северна Каролина ги потврди надежите за многумина: имунотерапија може да се даде на ХИВ-позитивни пациенти без реален ризик од смрт.

Меѓутоа, лекарите и научниците кои го истражуваат ХИВ внимателно ги спроведуваат истражувањата поврзани со имунотерапија, бидејќи обидите во минатото за пресадување на коскената срцевина се покажаа како неуспешни, па не сакаат да поттикнат нова надеж без конкретни докази.

За прв пат, во истражувањето објавено во списанието „Cell Reports“, тим на научници и експерти од Северна Каролина ги потврди надежите за многумина: имунотерапија може да се даде на ХИВ-позитивни пациенти без реален ризик од смрт, а многумина го сметаат тоа за доказ дека оваа насока на истражувањето може да доведе до вистински лек, пишува „Дејли мејл“.

„Мислиме дека ќе успееме да ги повториме резултатите од „берлинскиот пациент“, но за тоа ќе треба некое време, бидејќи треба внимателно, чекор по чекор, да се спроведе понатаму ова истражување“, изјавил д-р Дејвид Марголис, еден од авторите на истражувањето.