Лекарите предупредуваат дека стресот е тивок убиец, а жените потешко поднесуваат стрес од мажите. Со тоа и ризикот од добивање одредени заболувања е поголем. Една студија покажала дека менталните болести влијаат на секоја петта жена во споредба со еден од 12 мажи. Се смета дека жените обично на својот грб носат повеќе од домашните и работните обврски од мажите заради што се почувствителни на болести. И често доцна бараат лекарска помош.
Депресија
Станува збор за болест на модерното доба која се почесто погодува личности на различна возраст. Се проценува дека околу 10-15 отсто од жените имаат симптоми поврзани со депресија и стресни пореметувања. Жените паѓаат во депресија и заради биолошките промени низ кои поминуваат, како што се хормони, менопауза или постпородилна депресија.
Анксиозност
И анксиозноста е се почеста болест на глобално ниво, која погодува жени на различна возраст – од пубертетот до 50 години старост. Симптомите по кои се препознаваа се исцрпеност, грижа и страв заради губење на контрола.
Пореметувања во исхраната
Во денешно време жените многу водат сметка за изгледот и често знаат да се подложуваат на разни нездрави диети, режими на исхрана за да имаат витка линија. Искривената слика за сопственото тело, желбата за прифаќање во околината и тежнеењето за „убаво тело“ многу жени ги наведува на погрешна слика за убавината. Како последица на тоа почесто заболуваат од анорексија и булимија.
