Во последните неколку години се повеќе жени доживуваат срцев удар за време на или веднаш по нивната бременост, покажала новата студија спроведена во САД. Фактот дека жените имаат деца на постара возраст, зголемувањето на стапката на дебелина и дијабетес може да ја објасни се поголемата инциденца на срцев удар кај бремените жени.
Во периодот од 2002 до 2014 година, ризикот од срцев удар кај бремените жени се зголемил за 25 проценти. Инциденцата на срцеви удари кај бремените жени се зголемила од 7 на 9,5 случаи на 100 000 бремености.
Бременоста претставува краен кардиоваскуларен стрес тест
Се верува дека овие резултати потврдуваат колку бременоста може да биде стресна за женското тело и срце. Сепак, според мислењето на некои експерти, овие резултати не се изненадување, со оглед на тоа што бременоста претставува краен кардиоваскуларен стрес тест.
Исто така, треба да се забележи дека стапката на смртност од срцев удар кај бремените жени останува релативно висока (4,5 проценти) и покрај напредокот во третманот на срцев удар.
Ризикот од срцев удар за време на бременоста се зголемува со возраста. Бремените жени на возраст меѓу 35 и 39 години имале пет пати поголем ризик од срцев удар отколку жените во своите дваесетти години. Додека жените во раните 40-ти години имале 10 пати поголем ризик од срцев удар отколку жените во 20-те години, пишува „Mayo Clinic Proceedings“.
