Ново истражување открива како студениот воздух влијае на нашиот нос и имун систем. Штом температурите станат пониски, доаѓа до, се чини, неизбежното: грип или настинка. Иако постои можност да овие болести ги добиеме и во друго годишно време, научниците конечно сфатиле зошто во зима се е много полошо. Според резултатите на нова спомената студија, причината е релативно едноставна: Сезонскиот студен воздух го оштетува имуниот систем на носот.
Можеби за тоа не сте биле свесни, но кога температурите надвор ќе паднат, таа е пониска и во носот, а околу 50 проценти од клетките кои се борат против вируси и бактерии, а кои се наоѓаат во него, нема да преживеат. Што значи дека студениот воздух е поврзан со повеќе инфекции токму поради тоа што сте изгубиле половина од имунитетот само поради падот на температурите, појаснува оториноларингологот Бенџамин Блајер, професор на Универзитетот Харвард.
Еве како всушност се се одвива: еднаш кога респираторниот вирус или бактерија ќе навлезат во носот, предниот дел од носот е свесен за тоа. Штом носот ќе стане свесен за “натрапникот“, клетките во носот почнуваат да произведуваат милијарди вонклеточни везикули (EВ) кои не можат да се делат како клетките, но се дизајнирани да го уништат вирусот. Така што кога вирусот ќе влезе во носот, тој се лепи за нив наместо за клетките. Во слузта се создаваат копии од овие клетки кои ќе ги заробат вирусите и нема да им дадат да се множат и токму тоа е еден од начините на кои организмот се бори да спречи вирусите и бактериите да навлезат подлабоко во телото.
Иако научниците откриле дека производството на ЕВ ќе се зголеми за 160 проценти кога носот е нападнат, студеното време сепак ќе ја намали нивната можност да се борат против вирусите, што значи дека е тешко да се превенира грип или настинка.
НАСТИНКА ИЛИ ГРИП?
Обичната настинка е вирусно воспаление на слузницата на носот и предниот дел на ждрелото, кое се карактеризира со интенизвно течење на носот, кивање, чувство на затнат нос и уши, сувост, стегање и лесна болка во ждрелото. Обично не се присутни општи симптоми. Болеста започнува по периодоѕ на инкубација од 1 до 3 дена и најчесто трае околу една недела, по што доаѓа до целосно закрепнување. Инфлуенцата (грип) е лесно пренослива, тешка и краткотрајна заразна болест предизвикана од вируси на инфлуенца. Болеста се пренесува по капков пат во близок контакт со заразено или болно лице и се појавува по краток период на инкубација од 1 до 2 дена. Почетокот на болеста е ненадеен со многу изразени општи симптоми: треска, болки во мускулите, малаксаност и главоболка. Постепено се развиваат и други симптоми како чувство на печење и стегање во носот, сувост и болка во грлото, засипнатост, болка зад градната коска и сува кашлица која постепено преминува во продуктивна. Најчеста компликација е пневмонијата или воспаление на белите дробови, предизвикана од вирусот на грип или како секундарна бактериска инфекција.
