Иако веќе подолго е познато дека КОВИД-19 може да имат различни симптоми кои наликуваат на настинка и грип, луѓето и понатаму зборуваат за коронавирусот и за тоа дали има примарно влијание на респираторниот систем. Тоа посебно е случај со ширењето на омикрон варијантата на вирусот, која предизвикува поблаг форма на болеста кај лицата кои немаат ризик од развој на сериозна форма на истата.
Сепак, омикрон може да влијае на развојот на долг ковид, чии причини не се познати и за кој во моментов не постои лек. Една група на проблеми може да биде особено опасна.
КОВИД често предизвикува невролошки проблеми
Уште од почетокот на пандемијата, јасно е дека ковид симптомите може да траат со недели и месеци откако вирусот ќе излезе од оптек, што се претвора во феномен што се нарекува “долг ковид“. Дури и благите случаи на ковид може да резултираат со долгорочни симптоми. Токму поради тоа што омикрон варијантата е толку заразна, би можеле да се соочиме со епидемија на долг ковид во наредните месеци.
Постои и еден многу сериозен аспект на КОВИД: Може да влијае на невролошкиот систем кај некои луѓе, предизвикувајќи широк спектар на симптоми кои можат да бидат тешки – вклучувајќи исцрпувачки замор, вртоглавица, па дури и потешкотии при наоѓање зборови и голтањето.
“Не можев да изговорам зборови на глас“
Еден американски медиум направил интервју со жена од Сиетл, која по прележаниот ковид мора неколку пати неделно да посетува логопед за да се справи со проблемот со наоѓање зборови. “Мојот сопруг ми постави прашање и не можев да одговорам. Почнав да имам проблеми со говорот. Имам зборови во мојата глава, но не можам да ги кажам гласно“, изјавила таа.
Ковид може да “удри“ на централниот нервен систем
Истражувачите тврдат дека овие невролошки симптоми, кои може да вклучуваат хроничен замор, проблеми со гласот, вртоглавица, забрзан пулс и отежнато голтање, може да се поврзани со тоа што вирусот го оштетува нервот кој е дел од централниот нервен систем.
Во студија спроведена од шпански истражувачи, тие забележале како функционира овој нерв кај луѓето кои имаат долг ковид. Откриле дека 66% од нив имале барем еден симптом кој укажува на дисфункција на тој нерв. Најчести симптоми биле дијареа (73%), забрзан пулс (59%), вртоглавица (45%), проблеми со голтањето (45%), проблеми со гласот (45%) и низок крвен притисок (14%). Просечното времетраење на симптомите било 14 месеци.
Како да се намали ризикот од развој на долг ковид?
За да се намали ризикот од развој на долг ковид, се препорачува примање на двете дози вакцина или бустер доза. Рецензија на 15 научни студии покажала дека вакцинацијата ги намалува шансите за развој на долг ковид, па дури и ги намалува симптомите на долгиот ковид ако сте биле инфицирани за време на вакцинацијата.
