Кога бевме мали, сакавме да бидеме исти како нашата мајка. Потоа малку пораснавме, па нашите мајки почнаа да ни одат на нерви и сакавме да бидеме сè, само не како нив. Колку и да (не) сакаме, малку по малку, полека, но сигурно се претвораме во нашите родители, сакале да признаеме или не.
Ако сè уште не сте сигурни во трансформацијата која ви се случува, проверете, земајќи ги предвид следниве ситуации:
-
Како секоја вистинска мајка и вие сакате да бидете оној кој најмногу знае. Но иако сте свесни дека не сте ги совладале баш сите технолошки иновации, цврсто се држите до тезата дека „тоа е вистинската работа за вас“.
-
Доаѓаат гости, а вие и вашата мајка се натпреварувате кој прв ќе ги послужи.
-
Купоните за попусти кои вашата мајка паметно ги користи веќе со години, полека станаа и ваша рутина, па сега заедно разговарате и планирате шопинг.
-
Вашите деца гледаат програми за бебиња, а вашите емисии ги нарекуваат досадни и бескорисни. Самиот поглед на мајката вели дека сте станале слични во овој поглед. Веќе нема многу разлики во вашите интереси, и покрај фактот што разликата во вашата возраст е иста како кога сте биле значително помлади.
-
Семејните разговори одеднаш станаа многу посериозни. И вие и вашата мајка подеднакво сте сериозни во своите ставови и дебати. Нема повеќе толку многу несогласувања.
-
Иако сте се грозеле од тоа кога сте биле помлади, сега и вие со своите деца се однесувате на начинот на кој и вашите родители се однесувале кон вас.
Колку и да (не) сакаме, малку по малку, полека, но сигурно се претвораме во нашите родители, сакале да признаеме или не -
Излеговте на ручек во ресторан и без срам си ги земавте остатоците за дома. Да сте помлади тоа не би ви паднало на ум, но сега конечно ви е јасна целта: нема да мора да готвите ако некој случајно повторно е гладен.
-
Иако порано не се грижевте многу за тоа кога ќе вечерате, сега сè повеќе наликувате на вашата мајка – поздраво е ако вечерате порано, па ова правило се трудите да го воведете и во своето семејство. Секако, заборавате дека оваа навика на вашата мајка некогаш ве нервирала.
-
Иако не сте настинати, дома се шетате баш како и вашата мајка некогаш, со марамчиња кои излегуваат од секој можен џеб. Иако не ви требаат нека бидат тука, за секој случај.
-
Отсекогаш сте мислеле дека вашата мајка е малку пополничка, бидејќи никогаш не дозволувала да се фрли неизедената храна од чиниите после оброците. Таа секогаш била онаа која ја собирала и последната трошка, а сега вие ја преземате нејзината улога. Вашата мајка не го прави тоа повеќе, дали сте забележале?
И уште нешто кое отсекогаш ве нервирало кај вашата мајка: оној проклет заканувачки прст… Дали вие штотуку го вперивте кон вашите деца?!
