Дури и детето знае дека ако комбинира грав со газирани пијалаци може да очекува несакани последици. Но постојат и други комбинации на различни видови храна што можат лошо да влијаат на вашиот дигестивен систем, а некои од нив можат дури и да ве разболат. Во продолжение погледнете дел од нив што треба веднаш да престанете да ги консумирате.
Сендвич и кафе
Кога немаме многу време, сендвичот изгледа како одличен избор за појадок. Но ако го јадете со сирење и во комбинација со кафе, вие всушност ги уништувате сите хранливи состојки. Јаглехидратите од лебот го спречуваат правилното варење на калциумот и неговото добро влијание на нервите и кардиоваскуларниот систем. Исто така, ако на тоа додадете инстант кафе, целосно ќе ги изгубите здравствените придобивки.
Домат и краставица
Оваа комбинација е една од најпопуларните за летна салата. Но, според последните истражувања, комбинацијата на доматот и краставицата може да ги наруши биохемиските патишта во организмот. Ова води до отекување и губење на витамините.
Компир и месо
Кој може да одолее на стек со помфрит? За жал, ова е уште една лоша комбинација. За да го сварите скробот потребни се алкални дигестивни течности, а за варењето на месото – кисели. Кога тие ќе се најдат истовремено во желудникот, доаѓа до низа проблеми, како болки, гасови, киселини…
Тестенини и мелено месо
Истото важи и за комбинациите со тестенини и месо. Плунката го претвора скробот од тестенините во шеќери, а кога тие ќе се прекријат со протеините од месото се создава опасна хемиска реакција што може да доведе до дијабетес и кардиоваскуларни болести.
Пиво и јаткасти плодови
Ова е една од омилените комбинации на сите студенти, како и страсните спортски навивачи. Сите обожаваат да грицкаат јаткасти плодови додека пијат пиво, но оваа комбинација содржи премногу сол, ја зголемува дехидрацијата и води кон порачување уште едно пиво.
Млеко и банана
Оваа комбинација е особено популарна помеѓу следбениците на здравата исхрана бидејќи е хранлива и лесна за подготовка. Но некои нутриционисти веруваат дека овошјето, особено она што е слатко, треба посебно да се консумира. Тоа подолго останува во телото и го забавува варењето, а кога е комбинирано со друга храна, ова уште повеќе се чувствува. Па кога станува збор за пиење млеко, најдобро е да го пиете без ништо друго.
