Иако за тоа што треба да се направи ако некој се посомнева на КОВИД-19 се зборува месеци наназад, се уште се присутни многу дилеми, како околу симптомите, така и околу лекувањето откако лицето ќе дознае дека е позитивно. Имено, само оние на кои симптомите им го нарушуваат здравјето, односно животот, имаат потреба од болничка помош, а сите останати “лежат дома со многу течности и лесна исхрана“.
Дијагностициран ви е КОВИД-19. Што може да очекувате и како да се лекувате?
- Кај благите симптоми, потребно е само да се мирува и да се лекуваат симптомите, како што се прави при “обични“, вирози.
- Зголемената телесна температура е најчестиот симптом: намалувајте ја со вообичаени лекови за таа намена.
- Болка во грлото: лекувајте ја со топли напивки.
- Кашлица: обидете се со вообичаени сирупи.
- Губењето на осетот за мирис или вкус обично се враќа 10 дена по појавата на првите симптоми, но има и пациенти кај кои проблемот траел и со месеци.
КОВИД-19 не се лекува со антибиотици!
Кога треба да се побара помош од лекар?
Тешкотиите со дишењето може да упатуваат на проблем со белите дробови, па нужно е дасе консултира матичен лекар кој ќе одлучи дали е потребен преглед на пациентот, па и хоспитализација.
Високата телесна темепратура која со денови не се намалува, исто така е причина за повикате лекар.
Може ли физички да се отиде кај лекар?
Консултација со матичниот лекат може да се направи и преку телефон, како и што се закажува преглед, бидејќи во време на пандемија со КОВИД-19, лекарите примаат само закажани пациенти.
За потешки форми на болеста, упат за болничко лекување издава матичниот лекар, откако ќе утврди дека станува збор за потешка форма на болеста.
Колку и од кога, лицето треба да биде во изолација?
Асимптоматските позитивни пациенти мора да останат во изолација, десет дена по добивање на позитивниот наод.
Блиски контакти се лица кои биле во контакт со заболен, два или три дена пред кај заразеното лице да се појават први симптоми на КОВИД-19.
Контактите на заболените, епидемиолозите ги информираат дека треба да останат во самоизолација 14 дена, бидејќи се покажало дека кај некои лица, инкубацијата на болеста траела и повеќе од 10 дена. Тоа е причината поради која засега не се скратува изолацијата на контактите.
Вие сте близок контакт на заболен, но никој од стручњаците не ве контактирал
Позитивните пациенти би требало, кога тоа и да е можно, сами да ги информираат своите контакти за заразата, додека чекаат инфирмација од епидемиолог, бидејќи поради се поголемиот број на заразани, таквите информации неретко доцнат.
Можат ли блиските контакти да се тестираат?
Секој може да се тестира, но на свој трошок. За тоа дали контактот треба да се тестира, одлучува лекар и тоа на основа на епидемиолошката слика, односно зависно од тоа дали контактот има симптоми или не.
Упат за тестирање издава, односно закажува матичниот лекар.
Тестирањето се прави во центрите за јавно здравје, а пациентот резултатите ги добива по електронска пошта или преку амбулантата на својот матичен лекар.
