Времето потребно за рехабилитација најмногу зависи од тежината на ударот, а само петина од преживеаните во потполност успеваат да ги вратат нормалните функции на организмот. Но еден од најголемите проблеми со оваа болест е тоа дека симптомите се толку општи што луѓето најчесто не ги ни забележуваат. Така, најчестите симптоми на мозочен удар вклучуваат:
- Нагло затапување или слабост на лицето, рацете или нозете – особено само на една страна од телото;
- Збунетост која настанува нагло;
- Потешкотии со говорот или разбирањето на говорот на другите;
- Нагли проблеми со видот на едното или двете очи;
- Нагла вртоглавица, губење рамнотежа или координација;
- Силна главоболка.
Прашања кои би можеле да го олеснат препознавањето на мозочен удар
Трагедиите најчесто настануваат кога луѓето не се во состојба да препознаат дали се работи за мозочен удар. За жал, последиците можат да бидат многу тешки и затоа е потребно да се посвети внимание на сите прашања кои себеси и на пациентот треба да му се постават ако се сомневате дека некој пред вас доживува мозочен удар: замолете ја личноста да се насмее. Ако процените дека мускулите на едната страна од лицето се толку опуштени за да висат, можно е да станува збор за мозочен удар. Замолете ја личноста да ги крене двете раце пред себе, во случај на мозочен удар нема да може да ги крене двете раце или ќе ги крене само делумно. Замолете ја личноста да изговори едноставна реченица, на пример, ’Добар ден’. Посветете внимание на мрморењето и неразбирливиот говор. Ако има неразумен говор, обавезно повикајте брза помош.
