Дневни влошки, редовно носење тампони, тесни панталони и користење на антибиотици, неповолно и делуваат на флората на вагината. За здрaвјето на вагината најважно е да не се загрозува нејзината природна рамнотежа со разни хемикалии и постапки, но во модерното време тоа често е невозможно.
На пример, додека гинеколозите советуваат избегнување на секојдневно носење дневни влошки и редовно користење на тампони за време на менструација, ретко која жена се придржува кон ова, бидејќи со тие производи си го олеснува животот.
Мијте се само со вода
Мит е дека вагината треба да се мие со посебни шампони и купки, бидејќи овој орган природно има кисело окружување и висок pH. Средствата за миење кои го нарушуваат pH може да предизвикаат воспаление и габични инфекции, а гинеколозите советуваат дека најдобра хигиена е миење со вода еднаш во денот.
Воспаленија
Избегнување на млечни производи како јогуртот е голема грешка ако сте жена. Имено, добрите бактерии во јогуртот, кефирот или киселото млеко се најдобри природни сојузници на здравиот и балансиран бактериски статус во вагината. Дозите на добри бактерии треба да се зголемат ако сте на терапија со антибиотици кои ги убиваат здравите бактерии во вагината, а чест резултат се габите. При честите воспаленија добро е да додадете што повеќе лук во исхраната, кои делуваат како природен антибиотик.
Тесна облека и синтетичка долна облека
Облеката од неприродни материи, како и облека која е претесна, не и овозможуваат на вагината да дише. Пластичните материјали како еластин или полиестер го стопираат природниот исцедок од вагината, па памукот и комотната облека се подобар избор.
Хормонални тегоби
Фитотерапијата има докажано големо значење во лекувањето на женските болести, а и допринесува во рамнотежата на хормоните. Како најдобар билен додаток во исхраната се истакнува конопот како чудотворна билка за рамнотежа на хормоните, особено кај жените со полицистични јајчници, бидејќи го регулира менструалниот циклус и ја поттикнува плодноста. Цимицифуга е најдобар избор за жените во перименопауза и менопауза, бидејќи докажано ги намалува непријатните симптоми на хормоналниот дисбаланс при намален естроген. Вркута оддамна се користи како билка која ги лекува сите женски болести, бидејќи освен што делува на хормоните, со редовно користење ги ублажува болните менструции, ја зајакнува матката, штити од воспаленија и ги лекува јајчниците, поради што во народот е позната и под името „моминска наметка„.
