Себореичниот дерматитис е многу честа кожна болест којa може да се влоши, но и да се подобри според годишното време, па вообичаено во текот на летото се подобрува состојбата, додека во зима болеста е најизразена. Иако летото е период во годината кога проблемите на кожата од типот на себореичен дерматитис се намалуваat, важно е правилно да се негува кожата и косата за да што подолго би се задржал добриот наод на кожата.
Во појавувањето на себореичниот дерматитис важна улога игра наследниот фактор, па позачестено се среќава во некои семејства и може да почне уште во раното детство. Исто така, се знае дека може да го предизвикаат и други фактори како што се емоционалниот стрес, заморот и постојаната напнатост кои предизвкуваат негово појавување особено на лицето. Во причинители на оваа состојба се вбројуваат и консумирањето алкохол и несоодветната нега.
Хормоналните промени влијаат на неговата појава и на лицето и на косата, додека, пак, користењето на несоодветни шампони може да предизвика алармантно влошување на состојбата.
Невролошките состојби, вклучувајќи ја Паркинсоновата болест, повреди на глвата и мозочен удар може да бидат поврзани со себореичниот дерматитис. Исто така, е потврдена поврзаност на ХИВ вирусот и зголемениот број случаи на себореичен дерматитис.
Се
бореичниот дерматитис на косата клинички се опишува како црвена кожа која чеша со изразен првут и красти на кожата на главата и може да зафати само делови од косата или цела коса. На лицето најчесто е видлива кај носот, на образите, покрај работ на косата. Лушпите и црвенилото кај себореичниот дерматитис се појавуваат бидејќи делумно е пореметена работата на лојните жлезди во кожата, проследени со воспалителни реакции и иритација. Воспалението го поттикнува црвенилото и чешањето што поттикнува гребење на кожата, особено на главата.
Иако летото е годишно време кога проблемите со себореичниот дерматитис се намалуваат, па на кожата не мора да има црвенило и косата може да биде без знаци на воспаление, многу е важно правилно да се негува кожата. На лицето не смее да се нанесуваат масни креми како и производи за заштита од сонце кои се со густа текстура. Доколку кожата во текот на денот со капењето во море или во езеро, дополнително се исуши, не е потребно да ја миете со вообичаените гелови, туку само кожата исчистете ја со мицеларен раствор. Ако сакате лицето да го освежите со гел, постојат посебни гелови кои се наменети за кожа со себореичен дерматитис и со кои лицето може да се мие и до два пати дневно бидејќи ја смирува кожата на лицето и делува против црвенилото.
Во лекувањето на себореичниот дерматитис на лицето никако не смеете да применувате кортикостероидни креми, туку само дермокозметички креми кои имаат на себе ознака ДС, а содржат термална вода, како и противвоспалителни состојки келуамид и пироктон оламин кои го намалуваат црвенилото и лушпите. Тие се мачкаат на црвениот дел од лицето се додека тоа не помине, што може да трае и неколку седмици, а подоцна лицето треба да се продолжи да се негува со хидратантни креми. Вакви креми со ознака ДС може да се применуваат и подоцна по два пати неделно, за да наодот на кожата продолжи да биде добар.
Во лекувањето на себореичниот дерматитис на косата се применуваат специјални шампони наменети за лекување на црвенило и на првут, а со кои на косата може да се нанесуваат одредени лосиони и серуми. Кај многу изразени воспаленија и лупење може некое време да се применуваат кортикостероидни лосиони, но само кратко. Кога наодот на косата е добар, потребно е косата да се мие со благи неутрални шампони. Многу често примената на детски шампони доведува до влошување на себореичниот дерматитис кај возрасните. Лицата со овој проблем може да ја бојадисуваат косата, но додека е фазата на акутно воспаление подобро е малку да се причека, додека не помине. Капењето во базен често довдува до влошување на црвенилото на лицето и на косата, додека морската вода е изразено лековита и кај најголем број пациенти доаѓа до подобрување на состојбата.
Само правилното лекување и правилната нега може да обезбедат добар наод на себореичниот дерматитис подолго време, без сериозни воспаленија.
