Многу луѓе поминуваат повеќе од девет часа дневно седејќи, и тоа не само на работно место. Според најновите истражувања, над една третина од луѓето, повеќе време минуваат седејќи за време на викенд, отколку на работното место преку работната недела, а слободното време често ја минуваат гледајќи во екран, пред телевизор или сурфајќи по интерент. Оваа навика не остава само трага на грбот, туку го зголемува ризикот од многу сериозни болести.
Во Британија, ваквиот начин на живот предизвикал смрт кај 70.000 лица во 2016 година и за прв пат почнува да ја чини Националната служба за здравје, 700 милиони фунти годишно.
Седењето, според многу аспекти, има независно влијание, па така влијае на хормоните, работата на метаболизмот и функциите на мозокот, па дури и покренува воспалителни процеси во телото.
Истражувачи од Кралскиот универзитет во Белфаст и Универзитетот Улстер, заклучиле дека е потребно да се превземат мерки за намалување на седењето со цел на подобрување на здравјето кај луѓето и намалување на финансиското оптоварување на здравствените служби.
Болести кои се врзуваат за долгите периоди на седење, ако се изземе обезноста, се кардиоваскуларни заболувања, дијабете тип 2, одредени форми на рак, како што е рак на бели дробови и предвремена смрт од различни причини.
Исто така, седењето влијае на мозокот, расположението на личноста, помнењето и го зголемува ризикот од деменција.
Дури ни оние кои редовно вежбаат, не се поштедени, ако остатокот од денот го минуваат седејќи. Седењето има поразувачки ефекти на здравјето, да лекарите овој начин на однесување го нарекуваат “ново пушење“.
