Луѓето често се чувствуваат позаморни по денот поминат седејќи во канцеларија, отколку по напорно вежбање и потење во теретана, покажало истражувањето на д-р Даниел Либерман од Универзитетот Џорџ Вашингтон.
Тајната е во тоа што луѓето не се програмирани да го користат единствено мозокот, бидејќи тој е создаден и за соработка со останатите делови од телото.
Седејќи во канцеларија, луѓето го користат само мозокот, што доведува со хемиски дисбаланс во телото и енергијата нееднакво се користи.
Затоа на крајот на работниот ден доаѓа до појава на исцрпеност и замор, покажало истражувањето. Хемискиот дисбаланс во мозокот се јавува кога ќе се поремети рамнотежата на невротрансмитерите, па во мозокот ги има премалку или премногу. Тоа се хемиски материи кои се излачуваат во мозокот и овозможуваат пренос на информации помеѓу нервните клетки, а нивната нерамнотежа може да доведе од промени во расположението, до депресија, анксиозност и немир.
По целодневното седење се препорачува вежбање по сопствен избор, кое помага во одржување на хемиската рамнотежа. Не мора да биде исцрпувачко, туку доволна е и прошетка, потенцира д-р Либерман.
