Престанете да пушите
Пушењето ги уништува белите дробови предизвикувајќи многу проблеми, почнувајќи од мали респираторни болести, се до карцином на белите дробови. Пушењето дефинитивно влијае на капацитетот на белите дробови кој ќе се зголеми за најмалку 10 проценти за само 9 месеци по престанок на пушењето.
Вежби за дишење
Постојат голем број вежби за дишење кои може да влијаат на одржувањето на белите дробови. Една од нив вклучува седење со рацете на грб при што се вдишува и се задржува здивот 10 секунди пред издишување.
Витамин Д
Студија објавена оваа година покажала дека високото ниво на витамин Д во организмот е поврзано со подобро функционирање на белите дробови. Особено внимание треба да се обрне во зимските месеци кога овој витамин не се прима преку сончевата светлина.
Пеење
Пеењето може да помогне за белодробниот капацитет. Според наодите на британски истражувачи тоа е особено корисно за пациенти со респираторни болести. Некои студии дошле до заклучок дека пеачите имаат поголем белодробен капацитет во однос на останатите.
Бидете активни
Еден од начините кои може да го подобрат белодробниот капацитет е подобрувањето на спортските перформанси. Додека се вежба процесот на внесување на кислород во телото и исфрлање на јаглерод диоксиод се случува побрзо, што ги прави белите дробови посилни и поефикасни.
Седење
Бројни студии покажале дека долготрајното неправилно седење може да го намали капацитетот на белите дробови бидејќи оваа положба има тенденција да ги притиска белите дробови и да ги прави што помали.
Чист воздух
Животот во град носи неизбежна изложеност на загаден воздух. Дури и краткотрајното загадување на воздухот може да влијае на белите дробови. Но, затоа може да го подобрите квалиетот на воздухот во домот. Негувајте домашни билки кои помагаат за прочистување на воздухот.
