Црниот дроб е многу важен орган кој е одговорен за многу функции во телото – ги елиминира токсините, ја филтрира крвта од цревата и ја обработува, и ги складира хранливите материи кои се претвораат во енергија. Затоа е важно да се препознаат знаците кои говорат дека дошло до оштетување. Ова се некои од нив:
Жолта кожа и очи
Ако го забележите овој симптом, веднаш реагирајте, велат стручњаците. Оваа состојба е позната како жолтица и предизвикува жолта пигментација на кожата и белиот дел од окото. Жолтата боја се појавува поради вишокот билирубин кој има жолто-портокалов пигмент. Кога црниот дроб е здрав, таа многу лесно го елиминира билирубинот, но ако е сериозно оштетено, буквално лицето жолтее.
Необичен замор и мачнина
Не станува збор за обичен замор, туку за нешто посериозно и поголемо. Заморот е одбележан со ментален и физички недостаток на енергија. За ништо немате мотивација, а понекогаш едвај станувате од кревет (а, сте спиеле 7-8 часа). Црниот дроб во голема мера, придонесува да му обезбеди енергија на телото и тој ја претвора глукозата во гликоген, и го складира за подоцна употреба. Оштетувањето на црниот дроб предизвикува гастритис, рефлуксна киселина, па дури и повраќање. Необјасниви и постојани повраќања се еден од проблемите кои укажуваат на проблем со црниот дроб.
Отоци во пределот на абдоменот
Ова може да биде еден од непријатните симптоми кој предизвикува болка, Тоа се случува кога течноста се задржува во стомакот, а во некои случаи, стомакот може толку да се надуе да изгледа како да сте во бременост. Како последица на насобирањето течност, исто така може да се појават и отоци на нозете и на зглобовите.
Појава на ангиом на кожата, налик на пајак
Пајак ангиом изгледа како мрежа на мали проширени капилари, сместени многу близу до површината на кожата. Ако ги забележите на горната половина од градниот кош, рацете, вратот и лицето, тоа може да биде знак за некоја болест на црниот дроб.
Постојани модрици
Ако имате оштетен црн дроб, престанува производството на протеини или тој процес, велат стручњаците, се забавува. Тоа доведува до лошо згрутчување на крвта и затоа лицата со болест на црниот дроб се склони кон појава на модрици.
Урина со темна боја
Нијансите може да бидат различни, но општо земено, бојата на урината ќе изгледа потемно од вообичаено. Бојата, поради вишокот на билирубин, може да биде светло кафена или темно портокалова. Темната урина може да биде причинета од многу фактори, како што се дехидрација, камења во жолчката…
Јадеж на кожата
Секако, дека секој понекогаш може да почувствува чешање на кожата. Но, во слуачевите во кои црниот дроб е оштетен, јадежот е непријатен, упорен и е локализиран на еден дел од телото. И неретко се случува навечер, а сето тоа е поради токсините кои црниот дроб не може да ги филтрира.
