Еден портокал со средна големина (со тежина од околу 130 г без кора) содржи 62 калории, 1 г протеини, 12 г шеќер и 3 г влакна. Ова количество подмирува дури 116 отсто од дневните потреби на организмот за витамин Ц, како и 6 отсто од дневните потреби за витамин А и 10 отсто за фолна киселина. Од минералите портокалите се богати со калиум, кој е важен за кардиоваскуларното здравје, а содржат и помали количества калциум.
Портокалите содржат и флавоноиди кои делуваат кардиопротективно, додека лимонската киселина која ја содржат може да помогне во превенцијата од камења во бубрезите. Витаминот Ц во портокалите, исто така, ја подобрува апсорпцијата на железо од дигестивниот тракт и на тој начин помага во превенцијата од анемија.
