Многумина и натаму веруваат дека запушување на крвните садови се јавува единствено кај постарата популација. Овој проблем, велат стручњаците, неретко ги погодува и младите луѓе. Многу е важно да се препознаат знаците на предупредување, за може да се побара стручна помош на време. Најчеста причина за запушени крвени садови е нездравиот начин на живот. Масните наслаги се таложат на ѕидовите на крвните садови, а тие се стеснуваат и стануваа тврди.
Секако, еден симптом не значи дека дошло до запушување на артериите.
Но, ако редовно доживувате неколку симптоми од оваа листа, треба веднаш да реагирате.
- Болка во потколениците, бутовите или колковите
Болата во нозете за време на активност како што е пешачење, може да биде знак за запушени артерии. Тоа значи дека ексртемитетите не добиваат доволно крв. Симптомите може да се вклучуваат болка во мускулите или грчеви во нозете (или рацете).
- Болка во градите
Болката во градите (ангина пекторис) е резултат на намален доток на крв во срцето. Доаѓа до затегнатост, тежина, притисок и жарење. Болката при оваа болест нема да се појави во мирување, туку само при физичко оптоварување. Оваа состојба не е ни приближно опасна како срцевиот удар. Ако прободувањето во градите почне да се шири на грбот, веднаш треба да реагирате.
- Привремено губење на видот на едното око
Каротидните артерии ги обезбедуваат очите и мозокот. Ако тие артерии се запушени, резултат е привремено губење на видот или замаглен вид на едното око. Целосната блокада може да доведе до мозочен удар.
- Болка во долниот дел на грбот
Ова е сериозен знак кој не смее да се игнорира. Кога протокот на крв во долниот дел на грбот е намален, дисковите помеѓу ‘рбетот стануваат кршливи. Обично ова е прв симптом кај луѓето кои страдаат од запушени артерии.
- Краток здив
Овој симптом се развива кога коронарните артерии ќе се оштетат и срцето тогаш не е во состојба да исмпупува доволно крв за да ги задоволи потребите на телото. Чувството дека сте без здив кога лежите, исто така е симптом кој треба да се лекува без одложување.
- Студени раце и стапала
Студените стапала може да бидат причинети од периферна артериска болест. Тој проблем се случува кога стеснатите артерии го намалуваат дотокот на крв во екстремитетите. Лошо заздравување на рана или слаб пулс во стапалата исто така се знаци кои е потребно да се проверат кај лекар.
- Замор и вртоглавица
Заморот е поредок симптом кога се зборува за коронарна артериска болест, но може да се случи. Овој симптом заедно со вртоглавица може да се развие како резултат на намалено ниво на кислород поради слаб проток на крв и почесто ги погаѓа жените.
