Многумина и понатаму веруваат дека запушувањето на крвни садови ги мачи единствено старите лица. Овој проблем, велат стручњаците, неретко ги погодува и младите луѓе. Многу е важно да се препознаат знаците на предупредување за може навреме да се побара лекарска помош. Најчеста причина за запушување на крвните садови е нездравиот начин на живот. Масните наслаги се таложат на ѕидовите на крвните садови, а тие се стеснуваат и стануваат тврди.
Секако, само еден симптом не значи дека дошло до запушување на артериите. Но, ако редовно доживувате неколку од овие симптоми, треба веднаш да реагирате.
Болки во потколениците, бутовите или колковите
Болка во нозете за време на некои активности, како што пешачењето, може да бидат знак за запушени артерии. Тоа значи дека вашите екстремитети не добиваат доволно крв. Симптомите може да вклучуваат болка во мускулите или грчеви во нозете (или рацете).
Болка во градите
Болка во градите (ангина пекторис) е резултат на намален доток на крв во срцето. Доаѓа до затегање, вкочанетост, тежина, притисок и жарење. Болката при оваа болест нема да се појави додека мирувате, туку само при физичко оптоварување. Оваа состојба не е ни приближно опасна како и срцевиот удар. Ако прободувањето од градите почне да се шири и на грбот, веднаш треба да реагирате.
Привремено губење на видот на едното око
Каротидните артерии ги снабдуваат очите и мозокот. Ако тие артерии се запушат, резултат е привремено губење на видот или замаглен вид на едното око. Потполна блокада може да доведе до мозочен удар.
Болки во долниот дел на грбот
Ова е сериозен знак кој не смее да се игнорира. Кога протокот на крв во долниот дел на грбот е намален, дисковите меѓу пршлените стануваат кревки. Обично ова е прв симптом кај лицата кои страдаат од запушени артерии.
Краток здив
Овој синдром се развива кога коронарните артерии ќе се оштетат и тогаш срцето не е во состојба да испумпа доволно крв, како би се задоволиле потребите на телото. Чувството дека сте без здив кога лежите, исто така е симптом кој треба да се лекува без одложување.
Студени раце и стапала
Студените стапала може да бидат предизвикани од периферна артериска болест (PAD). Овој проблем се јавува кога стеснатите артерии ќе го намалат дотокот на крв во екстремитетите. Бавното зараснување на рани или слаб пулс во стопалата исто така се знаци кои е потребно да ги проверите кај доктор. Присутност на PAD може да укажува и на тоа дека во телото постои артериска болест која може да влијае на мозокот или срцето, предизвикувајќи мозочен или срцев удар.
Замор и вртоглавица
Спроед Harvard Health Publishing, заморот е поредок симптом кога станува збор за коронарно-артериска болест, но може да се случи. Овој симптом може да се развие како резултат на намалено ниво на кислород поради слаб проток на крвта и почесто ги погодува жените.
Што го зголемува ризикот од запушени артерии?
Според Националниот инсистут за срце, белите дробови и крвта се фактори кои го зголемуваат нивото на ризици се:
- Наздраво ниво на холестерол во крвта. Тоа сугерира високо ниво на лош, и ниско ниво на добар холестерол
- Висок крвен притисок . Крвниот притисок не смее да надминува 140/90
- Пушење. Пушењето штети и ги стега крвните садови, го покачува нивото на холестерол и го зголемува крвниот притисок.
- Прекумерна телесна тежина или дебелина
