Поленот е составен од 55 % јаглехидрати, 35 % протеини, три проценти витамини и минерали, два проценти масни киселини и пет отсто други материи. Тој содржи многу мали количини на многу супстанци кои се сметаат за антиоксиданти, вклучувајќи бета каротен, витамин Ц и Е, ликопен, селен и флавоноиди.
Во поглед на хранливите и лековитите својства поленот врши зајакнување на имунолошкиот систем, контрола на телесната тежина, ослободување од алергиските симптоми, зголемување на силата, подобрување на сексуалната функција, подобрување на виталноста и издржливоста, забавување на процесот на стареење и продолжување на животот.
Иако многу растителни полени може да предизвикаат или засилат алергии, сепак пчелиниот полен всушност може да помогне во намалувањето на симптомите на овие состојби. Локалната терапија со пчелин полен се препорачува да се започне пред сезоната на алергии и потребни се неколку недели да поминат за да се почувствуваат дејствата на поленот. Според една статија во списанието „Better Nutrition“ од февруари 1998, алерголог од Оклахома успешно го користел пчелиниот полен во третманот на 22 000 пациенти со алергии. Сепак, оние кои се алергични на пчелин убод може да се соочат со посериозна (анафилактична) реакција на полен.
Ја регулира работата на цревата
Истражувањата покажале дека пчелиниот полен има регулаторен ефект врз функцијата на цревата, како резултат на присуството на висок процент на целулоза и влакна, како и поради постоењето на антибиотските фактори.
Го поттикнува варењето на храната
Пчелиниот полен содржи живи ензими, кои му помагаат на организмот во варењето на храната и оптималната апсорпција на хранливи материи од другата храна што се јаде.
Помага во намалување на телесната тежина
Пчелиниот полен помага во намалување и стабилизирање на телесната тежина во случаи на какво било абнормално зголемување или губење на тежината. Поленот ги стимулира метаболичките процеси и го забрзува согорувањето на калории.
Зголемување на енергијата
Пчелиниот полен ја подобрува енергијата, отпорноста и издржливоста поради присуството на јаглехидрати, есенцијални масни киселини, витамини од Б-групата и протеини. Британскиот совет за спорт евидентирал зголемување на силата за 40 до 50 отсто кај оние лица кои земаат редовно пчелин полен.
Блескава кожа
Пчелиниот полен и другите пчелни производи често се користат во креми за третирање на кожни нарушувања како што се егзема, псоријаза и акни, а истражувањата, исто така, покажале дека поленот може драматично да ја подобри нездравата кожа или кожата што старее. Моќните антибиотици во пчелиниот полен се смета дека ги одвраќаат ефектите од нормалното стареење на кожата, ги корегираат дамките, брчките и флеките, и стимулираат обновување на клетките.
Создавање нова крв
На тестовите спроведени на лабораториски животни се покажало дека пчелиниот полен има добар ефект на составот на крвта. Забележано е значително зголемување на белите и црвените крвни клетки. Кога на анемични пациенти им се дава пчелин полен, нивните нивоа на хемоглобин се зголемуваат значително.
Го зајакнува имунолошкиот систем
Извештаи подготвени од Агрономскиот институт и Факултетот за зоотехника во Романија, покажаа дека пчелиниот полен има ефект на зајакнување на имунолошкиот систем преку зголемување на лимфоцитите, гама глобулините и протеините, кои се одговорни за ослободување на телото од штетни и опасни материи како болни и канцерогени клетки.
